🔴अंबारे येथे  अंत्य यात्रेसाठी नाही बरी वाट..

🔴स्मशानभूमीच्या अभावाने नदी पात्रात लावतात विल्हेवाट

अमळनेर प्रतिनिधी अमळनेर तालुक्यात माजी आमदार डॉक्टर बी एस पाटील यांच्या आमदार फंडातून ( निधीतून) बऱ्याच ठिकाणी तात्कालीन स्मशान भूमी तयार झालेल्या आहेत. तर नंतर काही आमदारांनी आपल्या स्थानिक निधीतून जवळजवळ सर्व तालुका भर प्रत्येक गावात स्मशानभूमी निर्माण केलेली आहे. परंतु अमळनेर पासून सहा किलोमीटर अंतरावर असलेल्या ग्रुप ग्रामपंचायत खापरखेडा /अंबारे येथे स्मशानभूमी बांधलेली नाही त्यामुळे प्रेतांना बोरी नदी पात्रात उघड्यावर अग्नी डाग दिला जातो. तसेच नदीपात्रात जाण्यासाठी व्यवस्थित वाट नसल्यामुळे अंतयात्रे साठी आलेल्या नागरिकांना गैरसोळीला सामोरे जावे लागते. रस्त्यावर चालत असताना अनेक सुज्ञ नागरिक येथे कोण सरपंच आहे. त्यांना हे दिसत नाही का? स्मशानभूमीची मागणी करावी. रस्त्याच्या दुतर्फा हागणदारी आहे. त्यामुळे नागरिकांना गैरसोळीला तोंड द्यावे लागते. स्मशानभूमीची मागणी करून स्मशानभूमी सुशोभीकरण सारखे प्रस्ताव टाकून, अंत्य दर्शन घेण्यासाठी आलेल्या नागरिकांची व रहिवाशांची सोय करावी अशी मागणी नागरिकांची अनेक वर्षापासूनची आहे.