🔴🔴 कर्तव्यावर मृत्यू झालेल्या ग्रामपंचायत कर्मचाऱी पुत्राला न्याय मिळेल का?परिवारावर आली उपासमारीची वेळ.

अमळनेर (प्रतिनिधी):
तालुक्यातील पिळोदे गावातील प्रकाश आधार शिरसाट हे ग्रामपंचायत पाणीपुरवठा विभागात कर्मचारी म्हणून कार्यरत होते. तीन वर्षांपूर्वी ते कर्तव्यावर असतानाच मयत झाले. घरातील कर्ता अचानक गमावल्याने शिरसाट कुटुंब आर्थिक संकटात सापडले. अशा परिस्थितीत मुलाला अनुकंपा तत्त्वावर नोकरी मिळावी म्हणून गेली तीन ते चार वर्षे सातत्याने अर्ज व विनंत्या करण्यात आल्या; मात्र ग्रामपंचायत प्रशासनाने कोणतीही दखल घेतलेली नाही.

उलट, शिरसाट यांच्या जागी अन्य कंत्राटी कर्मचारी नियुक्त करण्यात आले. “माझा गुन्हा काय? वडिलांच्या जागी मला का घेत नाही? किमान कंत्राटी कामावर का घेत नाही?” असा सवाल मृत कर्मचाऱ्याच्या मुलाने केला आहे. न्याय न मिळाल्यामुळे पीडित परिवाराने ग्रामपंचायत समोर उपोषण सुरू केले आहे.

मात्र, सरपंच व ग्रामसेवक यांनी या गंभीर प्रश्नाकडे दुर्लक्ष करून ग्रामपंचायतीला कुलूप लावून घटनास्थळ सोडले. यामुळे उपोषणकर्त्यांच्या भावना अधिक संतप्त झाल्या आहेत. गावकऱ्यांचे म्हणणे आहे की, “जर उपोषणकर्त्याने टोकाचे पाऊल उचलले, तर त्याच्या संपूर्ण कुटुंबावर अन्यायाची जबाबदारी ग्रामपंचायतीवरच येईल.”

या संदर्भात बौद्ध समाज व इतर समाजबांधवांनी एकत्र येऊन शिरसाट कुटुंबाला न्याय मिळवून देण्यासाठी प्रयत्न करावेत, अशी हाक देण्यात आली आहे. अन्यायकारक ग्रामपंचायत प्रशासनाविरोधात लवकरच तीव्र आंदोलन छेडण्यात येणार असल्याची चेतावणी देण्यात आली आहे.

जय भीम! 🙏