🔴 प्रभाग दोन च्या न्यू प्लॉटमधील वाहणारा सांडपाण्याचा दुर्गंधीयुक्त नाला.. तीरावरील रहिवाशी नागरिकांच्या आरोग्यावर घाला..🔴विप्रो कंपनी व नगरपालिका प्रशासन यांची लक्ष देण्याची आवश्यकता.. सामाजिक कार्यकर्ता संदीप सैंदाणे यांनी निवेदनाद्वारे केली मागणी..

अमळनेर (प्रतिनिधी) तांबेपुरा, न्यू प्लॉट मार्गे नदीपर्यंत परिसरातून विप्रो कंपनीचा सांडपाण्याचा व केमिकल युक्त पाण्याचा नाला सतत प्रवाहित असतो. त्या नाल्याच्या दुर्गंधीयुक्त व रसायन युक्त पाण्यामुळे परिसरातील नागरिकांच्या आरोग्याच्या अनेक तक्रारी उदयास आल्या आहेत. अनेक वेळा मागणी करून सुद्धा नाल्याची दुर्दशा जशीच्या तशी आहे. त्या नाल्यारूपी गटारीला संरक्षण भिंत बांधून अंडरग्राउंड गटार बनवावी व त्याच्यावरून पादचाऱ्यासाठी स्वतंत्र रस्ता निर्माण करावा अशा आशयाचे निवेदन विप्रो कंपनी तथा नगरपालिका प्रशासन यांना सामाजिक कार्यकर्ते संदीप सैंदाणे व परिसरातील नागरिकांनी दिले आहे. दरवर्षी नाल्याचा गाळ काढण्याचे काम करावे व नागरिकांच्या आरोग्याच्या समस्या कायमस्वरूपी निकाली काढाव्या अशे निवेदनात म्हटले आहे. त्या नाल्या काठावरील नागरिकांच्या आरोग्याच्या तक्रारी वाढत असून दमा , अस्थमा अशा समस्या उद्भवत आहेत अत्यंत दुर्गंधी सुटत असल्याने आणि तेथील परिसर अत्यंत किडस वाणी अवस्थेत असल्याने नागरिकांना त्याचा त्रास होत आहे . असे मत तेथील स्थानिकांचे आहे अमळनेर शहरातील मलमूत्र विसर्जनाची गटार आमच्या तांबेपुरा ,न्यू प्लॉट साने नगर मधून का.?? आता प्रश्न त्यानिमित्ताने परिसरातील प्रमोद चौधरी, अनिल चौधरी, दीपक चौधरी, भटू पाटील, संजय पाटील, हिम्मत पाटील , प्रकाश पाटील, गणेश मिस्तरी,रोहिदास ठाकूर इकबाल पिंजारी गजानन पाटील भाऊसाहेब रिक्षावाले. आदींनी आमच्या प्रतिनिधीशी बोलताना सांगितले. त्यांचा हा अत्यंत जिव्हाळ्याचा प्रश्न मार्गी लागला पाहिजे अशी मागणी त्यानिमित्ताने पुढे येत आहे. त्या नाल्यामध्ये झाडे झुडप वाढली होती त्यामुळे तेथे नाल्याचा प्रवाह अडवला गेला होता ती समस्या प्रमोद चौधरी यांनी सामाजिक कार्यकर्ता संदीप सैंदाणे यांना सांगितल्यावर त्यांनी नगरपालिका आरोग्य अधिकारी खंडारे साहेब यांना समस्या दाखवून नगरपालिका कर्मचाऱ्यांकडून तेथे साफसफाई व काटेरी झाडे तोडून तात्पुरता नाला प्रवाहित करण्यास भाग पाडले. व नागरिकांना दिलासा दिला व नाल्या काठावरील प्रभावित लोकांना आश्वासन दिले की नाल्याला पोट गटार करण्यासाठी मी कायम रुपी पाठपुरावा करत राहील.